是否獵頭不專業?

【職場慧眼】是否獵頭不專業

「Son姐,我有問題想請教,我透過獵頭公司apply咗份工,之後佢哋幫我安排面試,然後佢哋forward咗幫我寫嘅covering letter,話已經send去畀interviewer 做reference 。我發現佢哋factually 有唔少錯處,我應該點做?比如說我每次轉工的原因。呢個我可以在面試同interviewer澄清,但是獵頭公司只係話佢哋寫嘅嘢係根據我之前同佢哋講嘅(我冇咁同佢哋講)。雖然已經有面試,但我覺得我必須要喺面試時澄清份covering letter ,唔想人哋有誤會,我對獵頭公司其實好唔滿意,但係唔想得罪佢哋。我同個獵頭話我從來冇同佢哋講過佢哋喺covering letter寫嘅內容,獵頭公司寸到話:『你係咪而家對份工冇興趣,如果係,我也好樂意同interviewer澄清。』亅

雖然今時今日很多所謂獵頭,其實根本只是職業介紹所,做的只是match resume的工作,不是配對人才的專業中間人。不過依據你所講,有為你寫covering letter,亦都願意畀你睇,寫來無非都是想推薦你,如果刻意寫衰,其實不讓你看不就得了?我做了獵頭這麼多年,我為每個candidate度身訂做寫的introduction,不知是不是你所講的covering letter,我從來未曾公開過給任何一個candidate看。我不知道上面寫的究竟是甚麼令你如此耿耿於懷?

講到底,covering letter是死人是生,你已經有面試機會,重點應該是份工作究竟是否適合你,你又是否具備勝任那份工作的條件,又是否是那間公司所需要想要的人才。有任何問題,或者你所講的需要澄清的地方,面試的時候講清楚事情已經解決了。

如果你覺得獵頭公司不專業,對他們的服務極不滿意的話,就沒有所謂怕不怕得罪,直斥其非亦無不可。當然你們之間的談話內容我聽得只是你的單方面,但如果根據你引述那位獵頭所講,看來澄清了對你並無着數,反而會影響你獲得聘請的機會。

如果你真的要靠獵頭公司幫你搵工所以怕得罪他們的話,你現在做的不就是正正得罪他們了嗎?坦白講,就你提供的有限資料,我看不到你的堅持對整件事有好處。八卦一問,你之前的工作和同事上司之間的相處,融洽嗎?

error: 內容受保護